Thursday, January 14, 2010

Something to ponder

This is a script of a few verses i heard of a poem ........it really touched me...
can anyone answer this little girl.......a simple but strong message that crushes the soul

baba mujh ko dar lagta hai
baba mairi miss nai kaha hai
kal sub school k bachay ghar main rahain gay
ghar main parhain gay

main nai suna hai
aik baray sai kali monchon walay uncle
bacho nko darain gay
bomb laga kar aingay
bhool gai main naam bhala tha
shayad dehshatgard kaha tha
baba kion marain gay humko
humsay koi bhool hui hai
hum sai kion naraz hain uncle

baba unko gurya dai do
yan phir mairi rangon wali
yaad hai na woh neeli dibya
mairi pichli salgirah par mujh ko apnay la kar di thi
aur mairi woh pyari poni, red color ki titli wali
woh bhi dai do, woh bhi dai do
phir to nahi marain gay mujh ko
yaad hai baba, yaad hai baba
aik dafa jub mujh ko haath pai chot lagi thi
buhut ziada dard hua tha
thora sa khon bhi nikla tha
buhut zaida rui thi main
kia yeh bomb bara hota hai
kia yeh bomb bara hota hai
buhut ziada chot lagay gi
dard bhi shayad ziada hoga
baba mujh ko dar lagta hai
baba mujh ko dar lagta hai